Saturday, January 7, 2017

இருக்கின்ற காசை எல்லாம்


இருக்கின்ற காசை எல்லாம் 

இருக்கின்ற காசை எல்லாம்
இங்கேயே செலவு செய்துவிடு
ஞான தங்கமே

கையில் இருக்கின்ற காசை எல்லாம்
இங்கேயே செலவு செய்துவிடு
ஞான தங்கமே

உடலை விட்டு உயிர் நீங்கும்போது
அதில் ஒரு சல்லிக்  காசு கூட
உன் கூட வாராது என்பதை
உணர்ந்துகொள் ஞானத்தங்கமே

தேவைக்கு அதிகமாய் உடலுக்கும்
குடலுக்கும் போடும் காசு
உபத்திரவத்தைத்தான் தரும் என்பதை
உணராதுபோனால் ஊசி போட்டே
கொன்னு போடுவான் மருத்துவன்
உன்னிடம் உள்ள காசை எல்லாம்
பறித்துக்கொண்டு  (இருக்கின்ற)

அதிகமாக ஆசைப்பட்டால்
இளமையிலேயே மீசை நரைக்கும்
இதயம் வேகமாக துடிக்கும்
இன்பம் பறிபோய்விடும்
துன்பமே பரிசாக கிடைக்கும் (இருக்கின்ற)

இருப்பதை இல்லாதவரிடம் பகிர்ந்து கொள்
பொல்லாதவரைக் கண்டால் நில்லாது ஓடு
நல்லவரோடு நட்பு கொண்டு நல்லவை எண்ணி
நல்ல செயல்கள்; செய்து நன்றி மறவாமல்
வாழ்ந்து நன்மை அடைவாய் மனிதா (இருக்கின்ற)


1 comment:

  1. அருமையான பதிவைப் பகிர்ந்தமைக்குப் பாராட்டுகள்

    ReplyDelete