ஸ்ரீ ஹயக்ரீவ ஜெயந்தி-16-9-2013

ஸ்ரீ ஹயக்ரீவ ஜெயந்தி-16-9-2013 

பரிமுகனாய்
அவதரித்த
ஹரிகுணனே

அஞ்ஞானத்தை அகற்றி
ஞானத்தை அளிக்கும்
அழகு தெய்வமே

வழிபடுவோருக்கு
செல்வமும்  ஞானமும்
ஒருசேர அளிக்கும் இலக்குமி
ஹயக்ரீவனே

அனுதினமும் உன்னை துதிப்போருக்கு
அழியா கல்வி செல்வம் அருள்வோனே

அந்நாளில் பிரம்மாவிடமிருந்து
வேதங்களை  திருடி சென்ற அரக்கனை
அழித்து மீட்டு தந்தாய்

வாணிக்கு அருள் செய்த
வாசுதேவப் பெருமானே

அகத்திய முனிவனுக்கு லலிதையின்
பெருமையை உபதேசித்தவனே

உன் திருவடிகளைப் பற்றினோம்
அஞ்ஞானம் அகற்றி ஞானம்
அளித்து எம்மை காத்தருள்வாயே.

ஞானனந்த மாயம் தேவம்
நிர்மல ஸ்படிகாக்ரிதிம் 
ஆதாரம் சர்வ வித்யானாம் 
ஹயக்ரீவம் உபாஸ்மஹே    

ஞானமே வடிவானவரும்
படிகம் போன்று மாசற்ற
ஒளி பொருந்தியவரும் ,
அனைத்து வித்தைகளுக்கும்
ஆதாரமாக விளங்கும்
ஸ்ரீ ஹயக்ரீவ பெருமானே
உன்னை நான் உபாசிக்கின்றேன்.